Ва Ушацкім раёне адбылася справаздачна-выбарчая канферэнцыя раённага аддзялення Беларускай партыі “Белая Русь”. Мерапрыемства, якое сабрала яго актывістаў, было прысвечана актуальным пытанням развіцця партыйнага руху ў рэгіёне, а галоўным пунктам парадку дня стала абранне новага савета аддзялення і кантрольна-рэвізійнай камісіі.
У рабоце канферэнцыі прынялі ўдзел член Савета Рэспублікі Нацыянальнага сходу Рэспублікі Беларусь, старшыня Ушацкага раённага Савета дэпутатаў Наталля Марковіч і намеснік старшыні абласнога аддзялення Беларускай партыі “Белая Русь” Сяргей Лядзенка.
У выніку адкрытага галасавання былі абраны новыя кіраўнікі раённага аддзялення. Старшынёй савета стала Таццяна Глінская, яе намеснікам – Марыя Шаўчэнка, сакратаром – Таццяна Шугалей.
У сваім першым выступленні на пасадзе кіраўніка Т.Глінская акрэсліла прыярытэты дзейнасці новага савета: “Мы маем намер актыўна працаваць над рэалізацыяй партыйных праграм, надаючы асаблівую ўвагу сацыяльна значным праектам і падтрымцы ініцыятыў жыхароў раёна”.
Караліна КЛАЧОК.
