Прадстаўнікі Ушаччыны ў складзе дэлегацыі Віцебскай вобласці прынялі ўдзел у Міжнароднай выставе турызму і індустрыі гасціннасці, якая праходзіла ў Маскве ўжо ў 31-ы раз.
Гэта пляцоўка для краін, рэгіёнаў і кампаній з усяго свету, якія прадстаўляюць свае паслугі на расійскім рынку. Раней тут ужо бывалі прадстаўнікі “Лясных азёр”, зараз жа супрацоўнікі Турцэнтра Ушацкага раёна, спартыўнай сферы актыўна прэзентавалі наш патэнцыял, у тым ліку і санаторыя, запрашалі на фестывалі, расказвалі пра экскурсійныя маршруты – для гэтага падрыхтавалі рэкламныя буклеты. Цікавасць была вялікая, і з цягам часу гэта работа абавязкова дасць плён.
