У панядзелак днём у аграгарадку Глыбачка загарэўся жылы дом.
У момант здарэння гаспадар, які пражывае адзін, знаходзіўся на рыбалцы, а таму ўзгаранне было заўважана позна. У выніку знішчаны дах, столевае перакрыцце, маёмасць, пашкоджаны сцены. Дакладная прычына пажару высвятляецца, разглядаецца версія аб парушэнні правіл эксплуатацыі электрасетак і электраабсталявання (кароткае замыканне электраправодкі).
З пачатку года ва Ушацкім раёне адбылося ўжо 6 пажараў.
