Штогод у судзе Ушацкага раёна разглядаюцца крымінальныя справы, звязаныя з угонам транспартных сродкаў. Аднак у апошні час назіраецца тэндэнцыя па іх павелічэнні.
Так, у 2024 годзе на лаву падсудных трапіў грамадзянін Р. У чужым аўтамабілі “Volkswagen Passat” ён распіваў алкагольныя напоі, прыкмеціў пакінутыя без нагляду ключы, завёў транспартны сродак і здзейсніў на ім паездку. Вядома, дазволу на гэта ад гаспадара мужчына не меў.
Аналагічнае злачынства здзейсніў К. – пакатаўся на “Ford Focus”, ключы ад якога меў, паколькі ўладальнік пакінуў аўто для рамонту.
Яшчэ адзін жыхар пасёлка Д. скарыстаўся тым, што вадзіцельскія дзверы чужога “Audi A6” не былі зачынены на запорныя прылады, а ключ ад аўтамабіля знаходзіўся ў замку запальвання. Ён залез у салон, запусціў рухавік і, не маючы на тое дазволу, гэтак жа паехаў катацца.
Усе гэтыя злачынствы здзейснены асобамі, якія знаходзіліся ў стане алкагольнага ап’янення. “Пад градусам” яны дарэмна адчувалі ўседазволенасць. Судом Ушацкага раёна за угон усім траім прызначана сур’ёзнае пакаранне: ад абмежавання волі без накіравання ў папраўчую ўстанову адкрытага тыпу тэрмінам на адзін год да 2 гадоў пазбаўлення волі. Дарэчы, у дваіх былі і іншыя праблемы з законам, таму па сукупнасці прысудаў гэтыя тэрміны павялічыліся. Разам з тым, хочацца адзначыць, што і пацярпелыя пра захаванасць сваёй маёмасці думалі неналежным чынам, што паспрыяла здзяйсненню ў адносінах іх такіх супрацьпраўных дзеянняў.
Аксана МІШУТА, старшыня суда Ушацкага раёна.
