На мінулым тыдні ў Стайках прайшла рэспубліканская спартакіяда спартыўных школ па самба, дзе нашу каманду прадставілі 10 выхаванак Ушацкай СДЮШАР.
Уладзіслава Цюкала і Аляксандра Міхаль сталі ўладальніцамі бронзавых медалёў. Упершыню паспрабавалі свае сілы на спаборніцтвах такога рангу Яўгенія Крывёнак, Ангеліна Алексяёнак, Святлана Крупеня і Эльвіра Васілевіч – і трапілі ў пяцёрку лепшых. Дастойна змагаліся на барцоўскім дыване Вікторыя Шарлай, Дар’я Правада, Аляксандра Храмёнак і Ганна Пугач. Дзяўчаты з’яўляюцца выхаванкамі трэнераў Святланы Фядосенкі, Кацярыны Маркевіч, Веры Кілінай і Крысціны Зуевай.
