Рост захваральнасці на вострыя рэспіраторныя інфекцыі чакаецца ў Беларусі ў канцы студзеня – пачатку лютага. З улікам жа таго, што зараз у нас даволі спрыяльная эпідсітуацыя (выпадкаў ВРІ рэгіструецца на 25% менш, чым у гэты час летась), Мінздравам прынята рашэнне аб падаўжэнні вакцынацыі ад грыпу.
На Ушаччыне бясплатна праімунізавацца можна расійскім трохкампанентным прэпаратам “Грыпол Плюс”. Асабліва важна гэта для дзяцей ад 6 месяцаў да 3 гадоў, пацыентаў з хранічнымі захворваннямі і імунадэфіцытнымі станамі, пажылых людзей, цяжарных жанчын, работнікаў адукацыі, гандлю, грамадскага харчавання.
Адначасова можна правакцынавацца і ад каранавіруса, які з’яўляецца прычынай больш 80 працэнтаў выпадкаў вірусных пнеўманій. Як нам расказалі ў раённым цэнтры гігіены і эпідэміялогіі, новы расійскі прэпарат “Канвасэл” эфектыўны ў дачыненні ўсіх штамаў COVID-19.
Калі яшчэ не правакцынаваліся – паспяшайцеся ў паліклініку ці на ФАП (па папярэднім запісе). Прышчэпка застаецца найбольш эфектыўным сродкам прафілактыкі!
Падрыхтавала Кацярына КАВАЛЕЎСКАЯ.
