Як заўсёды багатым на медалі і эмоцыі атрымаўся традыцыйны турнір юных самбістаў памяці трэнера Сяргея Сасніна, які праводзіўся ва Ушачах ужо ў шосты раз.
Сёлета канкурэнцыю гаспадарам складалі барцы з Віцебска і Лепеля, аднак выхаванцы нашай спартшколы заваявалі аж 58 медалёў. На вышэйшую прыступку п’едэстала ўзняліся Раман Лабёнак, Ягор Марозаў, Марк Карымаў, Арцём Бандарэнка, Мацвей Маслюк, Максім Цвяцінскі, Максім Паршонак, Павел Марковіч, Павел Крывёнак, Ангеліна Алексяёнак, Эвеліна Васілевіч, Валерыя Акулёнак, Ніка Міхаль, Варвара Лецкая, Дар’я Кіслякова і адразу тры Вікторыі – Пятніца, Дрозд і Федарэнка. Некаторыя юныя спартсмены атрымалі свае першыя ў жыцці ўзнагароды ў гэтым вельмі паспяховым для ўшачан відзе адзінаборстваў.
