Выратавальнікі сумесна з іншымі суб’ектамі прафілактыкі праводзяць на тэрыторыі раёна рэйды, у тым ліку ў рамках работы аглядавых камісій.
Асаблівая ўвага ўдзяляецца стану пячнога ацяплення. Асноўныя парушэнні, якія дапускаюць ушачане – скразныя расколіны ў печы, эксплуатацыя няспраўнай дзверкі ці адсутнасць перадтопачнага ліста, непабеленыя дымаходы, выкарыстанне кірамічных, металічных, азбестацэментавых труб у якасці дымаходаў. Пры першым абследаванні домаўладальнікам прапаноўваецца выправіць недахопы, пры паўторным выяўленні парушальнікі правіл пажарнай бяспекі ўжо прыцягваюцца да адміністрацыйнай адказнасці ў выглядзе штрафаў з забаронай эксплуатацыі няспраўнага ацяпляльнага абсталявання. Сёлета складзена 16 такіх пратаколаў. Дарэчы, датычыцца гэта не толькі печаў (катлоў) у дамах, а і ў гаспадарчых пабудовах, лазнях.
І яшчэ адзін момант, на які хацелася б звярнуць увагу ўшачан, – выканананне правіл устаноўкі аўтаномных пажарных апавяшчальнікаў. Размяшчаць іх трэба ў жылых пакоях і памяшканнях, дзе знаходзяцца ацяпляльныя прыборы. На кухнях, калідорах, прахожых, дзвярных каробках яму не месца. Аптымальная кропка – у цэнтральнай частцы столі з невялікім змяшчэннем у бок вакна ці дзвярэй, дзе адбываецца рух паветраных патокаў. Калі ў вас нацяжная столь, дапускаецца ўстаноўка апавяшчальніка на сцяне на адлегласці ад столі ад 10 да 30 сантыметраў.
Выконвайце правілы, беражыце сваё жыццё!
Ганна ЛЯШКОВА, інспектар сектара прапаганды Ушацкага РАНС.
