У аграгарадку Вяркуды на пажары загінуў пенсіянер.
Ушацкім выратавальнікам паведамленне аб узгаранні жылога дома ў Вяркудах паступіла днём 24 снежня. Па прыбыцці да месца выкліку назіралася моцнае задымленне ўнутры, а ў ходзе тушэння на падлозе ў адным з пакояў знойдзена цела гаспадара дома 1961 года нараджэння.
Паводле папярэдняй версіі, прычына пажару – неасцярожнае абыходжанне з агнём пры курэнні загінулага.
У МНС нагадваюць: не курыце ў ложку, паблізу лёгкаўзгаральных рэчываў. Непатушаны акурак можа доўга тлець, а потым загарэцца і прывесці да бяды!
З пачатку 2024 года ва Ушацкім раёне адбыўся ўжо 21 пажар, загінула 2 чалавекі.
