Завершается конкурс «Чудо на грядке». Выбираем победителя вместе!

Такія незвычайныя высокія гарбузы выраслі сёлета на агародзе ў сям’і Ракавых з райцэнтра.  Самы вялікі экзэмпляр мае вышыню каля 90 сантыметраў. Гаспадыня сядзібы Таццяна Уладзіміраўна любіць і ўмее вырошчваць агародніну, шмат часу аддае кветкам. Ва ўсім дапамагае бабулі 8-гадовая ўнучка Аляксандра. Гэты дуэт вырасціў нашых апошніх “канкурсантаў”, якіх мы вылучылі ў фіналісты конкурсу “Дзіва на градцы” разам з двума ранейшымі ўдзельнікамі – таматамі ад Рэгіны Іванаўны Самсонавай і індыйскім агурком ад Тамары Мікалаеўны Чэвідаевай. Паважаныя чытачы, ад вас залежыць, хто атрымае галоўны прыз – квартальную падпіску на “Патрыёт”. Чакаем вашых тэлефанаванняў на любыя рэдакцыйныя нумары ці каментарыяў на сайце. Дарэчы, вы можаце аддаць свой голас і тым удзельнікам, якія не трапілі ў фінал, але спадабаліся вам найбольш.
Актыўнасць і зацікаўленасць нашых чытачоў у абмеркаванні рубрыкі, таксама як і наогул у кулінарных справах, лекавых раслінах, рэцэптах, усім тым, чым жыве ў сваім паўсядзённым жыцці кожны з нас, падштурхнулі да неабходнасці стварэння “банка даных”, у якім мы будзем збіраць правераныя ўшачанамі рэцэпты, абменьвацца адзін з адным лішкамі насення. Вось і старэйшына вёскі Кавалеўшчына Лілія Мікалаеўна Міцкевіч пажадала падзяліцца з аматарамі вяргінь клубнямі розных сартоў.  Для чаго вы можаце патэлефанаваць па нумары 2-72-82 або 7157957 (МТС). Калі ў вас таксама лішкі, далучайцеся. Рэдакцыя ў сваю чаргу абяцае падарыць чытачам, якія аформяць квартальную ці паўгадовую падпіску на “Патрыёт”, насенне санберы (канадскай чарніцы), якая зацікавіла нашых чытачоў. Дарэчы, падпіска на наступны год хутка пачнецца.