У арганізацыях Ушаччыны зараз ва ўсю ідзе падрыхтоўка да Новага года – яркімі гірляндамі аздабляюцца фасады будынкаў, сняжынкамі, арыгінальнымі выцінанкамі “распісваюцца” вокны…
Творча да такога працэсу падыходзяць і ў градзянецкім ТЦСАН, работнікі якога, нягледзячы на заканчэнне рамонту на другім паверсе, паспяваюць дбаць пра годнае навагодняе ўпрыгожанне. Ужо на ўваходзе ўсіх сустракаюць жывыя яловыя кампазіцыі, пад столямі аддзялення сацыяльнай рэабілітацыі, абілітацыі інвалідаў гойдаюцца бялюткія штучныя елачкі (дарэчы, вырабленыя са звычайных пенапластавых плітак), прываблівае і тэматычная фотазона.
“Можна сюды і штосьці па ўласным выбары дадаць – побач выстава сувенірнай прадукцыі ад нашых спецыялістаў, наведвальнікаў, – кажа загадчык аддзялення Наталля Мікалаеўна Глінская. – Дарэчы, асартымент пастаянна абнаўляецца: землякі, што радуе, актыўна набываюць такія навагоднія рэчы сабе і ў падарунак блізкім”.
Кацярына КАВАЛЕЎСКАЯ.
