У верасні-лістападзе ў раёне праведзены прызыў грамадзян 1997-2006 гадоў нараджэння на тэрміновую ваенную службу, службу ў рэзерве ва Узброеныя Сілы і іншыя вайсковыя фарміраванні Рэспублікі Беларусь.
На прызыўную камісію выклікаліся і з’явілася 70 прызыўнікоў, 39 з іх прызнаны годнымі да вайсковай службы, 7 залічаны ў запас па стане здароўя, 4 – па іншых прычынах.
Адтэрміноўкі атрымалі 20 (17 – для працягу адукацыі, 2 – па стане здароўя, 1 – па сямейным становішчы). На тэрміновую службу адпраўлена 27 прызыўнікоў, на службу ў рэзерве – 1, па кантракце ў воінскія часці і фарміраванні прыняты 2, на службу ў МУС, МНС залічаны 3.
У сувязі з укамплектаваннем вайсковых часцей 7 прызыўнікоў аказаліся незапатрабаванымі. Рашэнне аб прызыве на тэрміновую службу ў іх адносінах будзе рэалізавана пры правядзенні чарговага прызыву вясной 2025 года.
Знаходзяцца ў вышуку наступныя грамадзяне, што падлягаюць прызыву: Алексяёнак Алег Аляксандравіч, 2000 года нараджэння (г.п.Ушачы, вул.Віцебская, д.3, кв.1), Матус Георгій Рыгоравіч, 2001 (в.Слабада, вул.Школьная, д.40), Сурмін Севасцьян Юр’евіч, 2001 (г.п.Ушачы, вул.Савецкая, д.13, кв.13).
Дзмітрый ЗАІКІН,
начальнік адасобленай групы (Ушацкага раёна) ваеннага камісарыята.
