Намеснікам старшыні Ушацкага раённага выканаўчага камітэта, які курыруе пытанні сацыяльнай сферы, назначаны Генадзь Міхайлавіч ЯГОРАЎ.
Ураджэнец Лёзненскага раёна скончыў Віцебскі індустрыяльны тэхнікум, Калінінградскае вышэйшае ваенна-марское вучылішча, Інстытут перападрыхтоўкі і павышэння кваліфікацыі МНС Рэспублікі Беларусь. Асноўныя старонкі біяграфіі звязаны са службай у Віцебскім абласным упраўленні МНС, ваенна-марскім флоце. З’яўляўся старшынёй абласной арганізацыі Беларускага грамадскага аб’яднання ветэранаў, начальнікам Галоўнага ўпраўлення ідэалагічнай работы, культуры і па справах моладзі аблвыканкама. Да назначэння ва Ушачы займаў пасаду старшыні Віцебскага абласнога Каардынацыйнага савета грамадскіх аб’яднанняў і палітычных партый.
