Каранавірус пастаянна муціруе і, выклікаючы сімптомы, падобныя на грып ці ВРВІ, працягвае цыркуляваць. Таму ў Беларусі праводзіцца штогадовая планавая вакцынацыя ад COVID-19 – прышчэпку ўсе жадаючыя атрымліваюць напярэдадні эпідсезона.
Ва Ушацкай ЦРБ імунізацыя ўжо пачалася. Звярнуцца варта ў кабінет №50 паліклінікі з панядзелка па пятніцу з 8.00 да 18.00 (перапынак: з 13.00 да 13.20). На ФАПах зрабіць прышчэпку прапануецца па папярэднім запісе, а ў Вялікадолецкай і Глыбачэнскай бальніцах сястрынскага догляду, Дубраўскай урачэбнай амбулаторыі – па графіку работы ўстаноў. У наяўнасці – прэпараты “Спутник Лайт” і “Гам-КОВИД-Вак”.
Кацярына КАВАЛЕЎСКАЯ.
