У рамках акцыі “У цэнтры ўвагі – дзеці!” ушацкія выратавальнікі правялі прафілактычныя мерапрыемствы ў гандлёвых кропках райцэнтра.
Як паводзіць сябе пры пажары, што абазначаюць знакі на планах эвакуацыі, для чаго патрэбны аўтаномны пажарны апавяшчальнік і як правільна карыстацца вогнетушыцелем – гэта і многае іншае супрацоўнікі нагадалі дзецям і дарослым. Акрамя гэтага, школьнікі з задавальненнем прайшлі экзамен па бяспецы, паўдзельнічалі ў квэсце, за праходжанне якога, былі ўзнагароджаны памятнымі прызамі.
