Апошнім часам следчымі падраздзяленнямі краіны фіксуюцца выпадкі крадзяжоў грашовых сродкаў, учыненых з выкарыстаннем ашуканскай схемы “Фэйк-бос”.
Зламыснікі ўкараняюцца ў працоўны чат якой-небудзь арганізацыі ў “Telegram”, высвятляючы, хто з удзельнікаў чата з’яўляецца кіраўніком, пасля чаго ствараюць поўную копію яго ўліковага запісу. Затым ад імя начальніка ўступаюць у перапіскі з іншымі ўдзельнікамі чата, паведамляючы аб тым, што яны нібыта з’яўляюцца аб’ектамі цікавасці з боку праваахоўных органаў з прычыны якіх-небудзь злачынных праяў (напрыклад, незаконныя транзакцыі, карупцыйныя схемы, фінансаванне тэрарызму), пры гэтым называючы пасаду і даныя выдуманага супрацоўніка праваахоўных органаў, які ў бліжэйшы час павінен звязацца з работнікам арганізацыі. Далей выдуманы супрацоўнік міліцыі робіць званок работніку арганізацыі і падманным шляхам завалодвае рэквізітамі плацежных сродкаў або настойвае на неабходнасці пераводу грошай. Будзьце ўважлівымі, не паддавайцеся на ўлоўкі злачынцаў!
Аляксандр МАР’ЯНКОЎ,
начальнік Ушацкага раённага аддзела Следчага камітэта.
