Асаблівасцю ўступнай кампаніі ў 2024 годзе з’яўляецца тое, што цэнтралізаваны экзамен і цэнтралізаванае тэсціраванне пройдуць у адзін час.
Тэрміны правядзення экзаменаў такія:
- 27 мая – ЦЭ і ЦТ па прадмеце па выбары;
- 30 мая – ЦЭ і ЦТ па беларускай або рускай мове;
- 3 і 6 чэрвеня – ЦТ па прадмеце на выбар для ўсіх выпускнікоў бягучага і мінулых гадоў, а таксама выпускнікоў каледжаў, якія плануюць паступаць ва ўстановы вышэйшай адукацыі.
У Віцебскай вобласці правядзенне цэнтралізаванага экзамену прадугледжана ў 22 пунктах, цэнтралізаванага тэсціравання – у 4 пунктах.
Вызначаны рэзервовыя дні для правядзення ЦТ: 19 чэрвеня можна будзе прайсці тэст па ўсіх прадметах; 23 чэрвеня – па рускай і беларускай мовах; 21 чэрвеня – па астатніх прадметах, якія ўваходзяць у спіс вучэбных прадметаў для правядзення ЦТ (пры наяўнасці ўважлівай прычыны няяўкі).
Пачатак цэнтралізаваных выпрабаванняў па ўсіх прадметах – 11.00. Допуск удзельнікаў у пункты правядзення цэнтралізаваных выпрабаванняў праводзіцца толькі па пропуску і дакументам, які сведчыць асобу.
Як і ў папярэднія гады, для выяўлення парушэнняў заканадаўства кантроль на ўсіх этапах уступных выпрабаванняў, а таксама пры прыёме дакументаў і залічэнні будуць ажыццяўляць работнікі Камітэта дзяржкантролю.
Звароты грамадзян па спрэчных і праблемных пытаннях, якія ўзнікаюць у ходзе ўступнай кампаніі, прымаюцца з 27 мая па тэлефонах “гарачых ліній” у рабочыя дні з 9 да 18 гадзін (перапынак – з 13 да 14) у Камітэце дзяржкантролю Віцебскай вобласці – (80212) 37-61-82; у Полацкім міжраённым Камітэце – (80214) 46-17-42.
