Яшчэ адну махлярскую схему прыдумалі інтэрнэт-ашуканцы.
Злодзеі тэлефануюць беларусам ў мэсанджарах, прадстаўляюцца супрацоўнікамі аператараў сотавай сувязі і расказваюць, што ў чалавека заканчваецца дагавор з кампаніяй, пасля чаго прапануюць яго падоўжыць на 15 год на льготных умовах – з 25-працэнтнай скідкай.
Аднак для гэтага патрэбна зараз жа выканаць пэўныя ўмовы: паставіць званок на гучную сувязь, увайсці ў асабісты кабінет дадатку аператара сотавай сувязі і кіравацца ўказаннямі.
У выніку злодзеі атрымліваюць доступ да нумара тэлефона, ствараюць электронны дублікат карты, а потым могуць увайсці ў дадатак банка, паслугамі якога карыстаецца іх ахвяра, і зняць грошы з карты.
Памятайце: калі вам тэлефануюць у мэсанджар і суразмоўца кажа, што ён супрацоўнік міліцыі, банка ці аператара сотавай сувязі – гэта махляр! Спыніце размову і не слухайце ніякіх прапаноў!
