«Адно акно»

Райвыканкамам, яго структурнымі падраздзяленнямі сістэматычна аналізуецца стан работы са зваротамі грамадзян, прымаюцца меры па рашэнні праблем, аператыўным рэагаванні на іх, ухіленні прычын, якія нясуць абгрунтаваныя скаргі насельніцтва, выкараненні бюракратызму, парушэнняў правоў і інтарэсаў грамадзян.

У 2009 годзе ў райвыканкам паступіла 196 пісьмовых і вусных зваротаў грамадзян, што на 28 менш, чым у 2008 годзе, з іх 30 калектыўных. З агульнай колькасці зваротаў, якія паступілі ад грамадзян, станоўча вырашана 64. Колькасць паўторных зваротаў склала 10 і зменшылася ў параўнанні з мінулым годам на 4.

Найбольшую вагу ў зваротах грамадзян займалі пытанні жыллёва-камунальнай гаспадаркі – 55, што на 8 зваротаў менш, чым у 2008 годзе, транспарту і камунікацый – 30 (на 8 менш), жыллёвага заканадаўства – 21 (на 6 больш), аграпрамысловага комплексу – 13 (на 6 больш).

З вышэйстаячых органаў у райвыканкам паступіў 21 зварот. На 66 працэнтаў знізілася колькасць зваротаў, накіраваных для разгляду з аблвыканкама. Адміністрацыяй Прэзідэнта Рэспублікі Беларусь накіравана 10 зваротаў.

Сельскімі выканаўчымі камітэтамі за 2009 год разгледжаны 351 зварот, што на 118 менш, чым у 2008 годзе.

Кіраўніцтвам райвыканкама праведзена 42 асабістыя прыёмы грамадзян, у час якіх было прынята 72 чалавекі, у тым ліку старшынёй райвыканкама праведзена 24 прыёмы. Акрамя гэтага, адбылося 36 выязных асабістых прыёмаў, у ходзе якіх прынята 46 грамадзян.

За 2009 год на тэлефон “гарачай лініі” райвыканкама паступіла 17 зваротаў ад грамадзян (пытанні жыллёва-камунальнай гаспадаркі, стан дарог, паслугі сувязі). У дзень паступлення вырашана 9 зваротаў, астатнія былі ўзяты на кантроль і вырашаны ва ўстаноўленыя заканадаўствам тэрміны.

У практыку ўвайшла і такая форма, як правядзенне “прамых ліній” па тэлефоне. За 2009 год іх праведзена 39 з удзелам 42 кіраўнікоў.

Па-ранейшаму ў раёне застаюцца праблемнымі рад сацыяльна значымых для насельніцтва пытанняў, такіх як рамонт жылфонду і дарог, добраўпарадкаванне вуліц і двароў, водазабеспячэнне населеных пунктаў.

Стан работы з заявамі грамадзян, па якіх патрабуецца ажыццяўленне адміністрацыйных працэдур, таксама знаходзіцца на пастаянным кантролі ў райвыканкаме. За прайшоўшы год упраўленнямі і аддзеламі райвыканкама было разгледжана па адміністрацыйным працэдурам 6470 заяў ад грамадзян, што на 1590 менш, чым у 2008 годзе. У тым ліку ў сферы жыллёвых пытанняў 715 заяў, што на 321 заяву больш, чым у мінулым годзе, па пытаннях архітэктуры і будаўніцтва – 105 (на 8 менш), у сферы працы і сацыяльнай абароны – 3090 (на 821 менш), па пытаннях ільготнага крэдытавання, субсідзіравання будаўніцтва і пакупку жылля – 109 (на 99 больш). Аддзелам загса было разгледжана 1283 заявы грамадзян у сферы рэгістрацыі актаў грамадзянскага стану, што на 41 больш, чым у 2008 годзе.

Ва ўсіх упраўленнях і аддзелах, сельскіх выканаўчых камітэтах, падведамасных арганізацыях наладжана сістэма работы са зваротамі грамадзян, якая ў цэлым забяспечвае рашэнне сацыяльна значымых пытанняў насельніцтва, абарону правоў і законных інтарэсаў грамадзян, дэбюракратызацыю дзяржаўнага апарату, ажыццяўленне адміністрацыйных працэдур па заяўным прынцыпе “адно акно”, што дае магчымасць атрымання дзяржаўнай падтрымкі і дапамогі, звяртаючыся ў адзін орган.