У аграгарадку Глыбачка на месцы былога Дома культуры закладзены новы парк.
Не адзін год выгляд цэнтральнай вуліцы псавалі рэшткі разбуранага будынка, а зараз тут прыжываюцца маладыя дрэўцы. Першую алею заклалі кіраўніцтва раёна і перадавікі сельгаспрадпрыемстваў падчас “Дажынак”, а на гэтым тыдні добрай справай тут займаліся мясцовыя школьнікі, грамадскасць, савет працуючай моладзі Ушаччыны. Усяго высаджана больш двух соцень ліп і клёнаў.
