Зарплаты растут

Напэўна, заработная плата – адна з тэм, якая пастаянна на слыху. Людзі любяць узважыць, параўнаць, паскардзіцца і нават здзівіцца, дзе ж яна, у 500 долараў. А тым не менш афіцыйныя звесткі заробкаў па рэспубліцы за кастрычнік склалі 1328196 рублёў, лічба толькі крышачку не дацягвае да прыгаданай зарплаты, аднак, пасля павелічэння ў лістападзе стаўкі першага разраду, будзе адпавядаць намечанаму. Па Ушацкім раёне яна меней – каля 800 тысяч рублёў. Але, давайце задумаемся, з чаго складаецца гэта сярэдняя зарплата. З мінімальных адлічэнняў – заробкаў, якія паказваюцца некаторымі прадпрыемствамі, а рэальная зарплата перадаецца ў канвертах. З тых 20 з 56 ушацкіх прыватных прадпрымальнікаў і прыватных фірм, на якіх зарплата не дасягнула і 100 долараў, а восем наогул не прадставілі звестак.
Аналіз я праводжу сярод прыватнікаў, бо ў дзяржаўных прадпрыемствах улік празрысты. І хочацца адзначыць, што пасля ранейшых публікацый пра зарплаты ў канвертах назіраецца станоўчая тэндэнцыя: работадаўцы, неабыякавыя да іміджу сваіх фірм, імкнуліся палепшыць справы і павялічыць заробкі.
Так, на прыватным прадпрыемстве “Ушачырэмбуд” яна ў трэцім квартале склала 394 працэнты да чэрвеня 2010 года ці 992217 рублёў, на ПУП “Собалеў і К” – 208 (717778 рублёў), “Ун-гандаль-рэфлекс” – 116 (679241), “Стаўр” – 184,6 (574 773), “Сямёныч” – 175 (590440). Заўсёды была добрай і ў “Алекснутта”, аднак зноў жа вырасла на 28 працэнтаў і склала 1467642 рублі. На сённяшні дзень гэта самая вялікая сярэдняя зарплата на прыватных прадпрыемствах і вельмі блізкая да 50-доларавага эквіваленту.
На трох прадпрыемствах яна складае 300 долараў: “Ушачы”, “Лес”, “УшачыРэмБуд”, а вось на сямі прадпрыемствах знізілася, хоць і была невялікай: “Форэстгандаль” – 77,2 % (361175 рублёў), “Бадьяр”, 88,8 (366158), “Славянушка” – 82,5 (308012), Ле-Юмі” – 61,8 (218433), “Ушачыаграбудсэрвіс” – 74,3 (223000). Крыху знізілася зарплата і на ААТ “Твестуба” – 97,4 працэнта і склала 869238 рублёў.
Хочацца яшчэ раз звярнуцца да людзей, якія працуюць на прыватных прадпрыемствах або ў індывідуальных прадпрымальнікаў, – не пагаджайцеся на заробкі ў канвертах, яны не выгадны перш за ўсё вам, бо нідзе не ўлічаны, а значыць і не ўплываюць на фарміраванне вашых пенсій, адпускных, выплат па лістках часовай непрацаздольнасці.
П.СМАРГУН,
начальнік Ушацкага раённага аддзела Фонду сацыяльнай абароны насельніцтва.