Флэшмоб пад назвай «Я вакцынаваўся, а ты?» праходзіць зараз па ўсёй краіне. Далучыліся да яго і работнікі Ушацкай цэнтральнай раённай бальніцы, большасць з якіх ужо зрабілі прышчэпку ад каранавіруснай інфекцыі. Тым самым яны хочуць паказаць бяспеку вакцынацыі, папулярызаваць яе сярод насельніцтва.
Сумненняў наконт таго, ці трэба рабіць прышчэпку, у медыкаў няма. Вакцынацыя – гэта бяспечны і эфектыўны спосаб прадухілення захворвання. Прычым, яна дазваляе абараніць не толькі сябе, але і акружаючых. Даказана: чым большая ў грамадстве доля прышчэпленых, тым вышэйшы калектыўны імунітэт, а значыць меншая рызыка ўзнікнення ўсплёску COVID-19.
На ўчарашні дзень ва Ушацкім раёне правакцынавана 852 чалавекі, з іх 288 атрымалі па два неабходныя кампаненты прэпарата.
Кацярына КАВАЛЕЎСКАЯ.
