Раённая арганізацыя Беларускага саюза жанчын далучылася да шматлікіх мерапрыемстваў, прымеркаваных да Года малой радзімы, і запланавала работы па добраўпарадкаванні на знакавых аб’ектах Ушаччыны. Так, нядаўна за сродкі арганізацыі быў набыты пасадачны матэрыял – больш за 300 цыбулін цюльпанаў. Днямі кветкі былі высаджаны на мемарыяльным комплексе “Прарыў” актывістамі дзвюх раённых грамадскіх арганізацый – Беларускага саюза жанчын і Беларускага таварыства Чырвонага Крыжа на чале з іх кіраўнікамі Аленай Васільеўнай Пашковіч і Ірынай Анатольеўнай Ціханавай.
– Надзвычай прыемна ўнесці свой уклад у такую добрую справу. Яркія цюльпаны зацвітуць якраз да свята Вялікай Перамогі і, бясспрэчна, упрыгожаць наш велічны мемарыял! – справіўшыся з пасадкай, адзначалі жанчыны.
У бліжэйшых планах грамадскай арганізацыі яшчэ і добраўпарадкаванне тэрыторыі каля новай Ушацкай дзіцячай школы мастацтваў.
Вольга КАМАРКОВА.
