Згодна Указа Прэзідэнта Рэспублікі Беларусь ад 8 чэрвеня 2010 года №296 “Аб унясенні дапаўненняў і змяненняў у Палажэнне аб рэгістрацыі грамадзян па месцы жыхарства і месцы прабывання” адмяняюцца дамавыя кнігі.
У цяперашні час рэалізуецца план мерапрыемстваў па адмене дамавых кніг і арганізацыі ўліку грамадзян, якія пражываюць у аднакватэрных (блакіраваных) жылых дамах.
Для арганізацыі ўліку грамадзян жылыя дамы, што знаходзяцца ў г.п.Ушачы, замацоўваюцца за УП ЖКГ і арганізацыямі, якія ажыццяўляюць эксплуатацыю жыллёвага фонду, а размешчаныя ў сельскіх населеных пунктах – за сельвыканкамамі. Названыя арганізацыі і будуць забяспечваць вядзенне пакватэрных картак і картак рэгістрацыйнага ўліку на жылыя памяшканні.
У працэсе зваротаў грамадзян на прыватныя домаўладанні будзе заводзіцца пакватэрная картка ўзамен дамавой кнігі, якія паступова будуць забірацца адпаведнымі арганізацыямі.
Пасля пераходу на картатэчны і аўтаматызаваны ўлік грамадзян, якія пражываюць у жылых памяшканнях, ажыццяўленне адміністрацыйных працэдур па заявах грамадзян будзе праходзіць без патрабавання дамавых кніг.
С.ПУГАЧОЎ,
старшы інспектар групы па грамадзянстве і міграцыі Ушацкага РАУС
