Учора на працягу дня ў цэнтры гарпасёлка не сціхаў гул бензапілаў – работнікі жыллёва-камунальнай гаспадаркі каля скрыжавання вуліц Савецкай і Ленінскай выдалялі старыя вербы.
“Яны тут столькі гадоў раслі, цянёк стваралі ў спякотныя дні! Так добра было сядзець каля фантана на лавачцы пад дрэвам. Навошта ж знішчаць, абрэзалі б толькі дрэнныя галіны, калі патрэбна!” – спыняючыся, узрушана казалі некаторыя ўшачане. Да падобных прэтэнзій камунальнікі былі гатовы і цярпліва тлумачылі неабходнасць такой “аперацыі”. Справа ў тым, што дрэвы былі абследаваны і прызнаны аварыйнымі. “Спытай любога ўшачаніна – і ён скажа, што гэтыя вербы раслі тут спакон вякоў. Вось зірніце на спіленыя пні, яны падказваюць, што дрэвам ледзь не пад сотню гадоў. Прыглядзіцеся бліжэй і вы заўважыце, што драўніна месцамі ўжо трухлявая, падчас урагану вербы маглі ўпасці. Летам пасля моцнага ветру тут столькі галін зламаных было, што працавалі не адну гадзіну на ўборцы. Месца ж вельмі ажыўленае, матулі з малышамі тут часта гуляюць. Так што ўсё гэта толькі для бяспекі людзей”, – адзначылі работнікі лесанарыхтоўчай брыгады УП ЖКГ.
Усе 12 вербаў спілены і адпраўлены на шчапу. Вызваленая ж тэрыторыя ў будучым акультурыцца і пераўвасобіцца. Замест старых дрэў з’явяцца туі і кветкі, зараз прадумваецца праект добраўпарадкавання, каб гэтая зона стала сапраўдным упрыгожаннем.
Вольга КАМАРКОВА.
Говорите, у нас в сквере росли столетние вербы? Ну-ну. Во-первых, строго говоря, вербами называют в народе ивы разных видов (всего их около 500). У нас в сквере росла т.н. ива ломкая (salix fragilis). Это дерево довольно широко применяется, как декоративное, во многих странах. Очень быстрорастущее, довольно красивое в молодом возрасте, но сравнительно недолговечное растение — продолжительность жизни достигает 75 лет; в таком возрасте ствол достигает более метра в диаметре. Следовательно, деревьям в сквере теоретически могло быть лет 35. Но не нужно и гадать — я живу в Ушачах 39 лет, и утверждаю, что 39 лет назад ни этих деревьев, ни фонтана, ни сквера не было. Жаль, что газета, имея все возможности, не проверила этой информации.