1 верасня ў краіне стартуе адзіны дзень бяспекі. На працягу дзесяці дзён і ў нашым раёне пройдзе мноства прафілактычных мерапрыемстваў, як у гарпасёлку, так і ў кожным сельсавеце. Пачнецца ж акцыя са своеасаблівага свята бяспекі, якое будзе ладзіцца заўтра, 1 верасня, на пляцоўцы каля РДК. Тут будуць працаваць тэматычныя пляцоўкі аддзелаў па надзвычайных сітуацыях і ўнутраных спраў, райбальніцы, раёна газазабеспячэння, энерганагляду і іншых суб’ектаў прафілактыкі. У праграме таксама і канцэрт. Пачнецца мерапрыемства ў 11 гадзін.
* * *
У рамках адзінага дня бяспекі структурныя падраздзяленні розных ведамстваў правядуць дні адкрытых дзвярэй. Так, 3 верасня, Ушацкі раён газазабеспячэння запрашае ўсіх жадаючых да сябе. Ушачане змогуць не толькі азнаёміцца з дзейнасцю, вытворчай тэрыторыяй службы, а і атрымаць адказы на ўсе пытанні, звязаныя з газавай гаспадаркай.
