Усё лета ўшацкія выратавальнікі вядуць прафілактычную работу з падрастаючым пакаленнем у рамках акцыі “Канікулы без дыму і агню”. Менавіта ў гэты час удвая ўзрастае колькасць надзвычайных здарэнняў з удзелам дзяцей. За чэрвень-ліпень праведзена 12 мерапрыемстваў у школьных і аздараўленчых лагерах, дзіцячых садах. Праз цікавыя віктарыны і конкурсы дзеці атрымалі шмат ведаў па пажарнай бяспецы і падарункі.