Працягваем знаёміць нашых чытачоў з вакансіямі, якія існуюць зараз ва Ушацкім раёне. Па інфармацыі ўпраўлення па працы, занятасці і сацыяльнай абароне райвыканкама, на 12 лютага свабодныя месцы былі ў 16 службах і арганізацыях Ушаччыны.
Сярод навінак – прапановы раённага цэнтра культуры і народнай творчасці, якому неабходны метадыст (на час дэкрэтнага водпуску асноўнага работніка) і мастацкі кіраўнік у Глыбачанскі СДК. Вадзіцеля аўтамабіля чакаюць у аддзеле па надзвычайных сітуацыях. Недахоп кадраў назіраецца ў многіх сельскагаспадарчых прадпрыемствах раёна. Так, КУСГП “Глыбачаны” запрашае на работу галоўнага ветэрынарнага ўрача і галоўнага заатэхніка; “Кублічы” – галоўнага агранома, галоўнага бухгалтара, юрыста; “Арэхаўна” – трактарыста, электрагазазваршчыка; ААТ “Ільюшынскі” – галоўнага ветэрынарнага ўрача і ветэрынарнага ўрача, вадзіцеля аўтамабіля, галоўнага заатэхніка, заатэхніка-селекцыянера, інжынера па ахове працы, электраманцёра па рамонце і абслугоўванні электраабсталявання; “Агра-Селішча” – бухгалтара, вадзіцеля аўтамабіля, галоўнага бухгалтара, галоўнага ветэрынарнага ўрача, галоўнага інжынера, інжынера па ахове працы; райветстанцыя – вадзіцеля аўтамабіля, ветэрынарнага ўрача; УП “Сарочына” – аператара па ветэрынарнай апрацоўцы жывёл. У лясгасе ёсць вакансіі інжынера па якасці, інжынера-энергетыка, начальніка аддзела, леснікоў (ва ўсіх лясніцтвах), машыніста лесанарыхтоўчай машыны, вальшчыка лесу. Патрэбны спецыялісты медыцынскай галіне раёна – Ушацкая ЦРБ запрашае ўрачоў са спецыялізацыяй па кардыялогіі, стаматалогіі, гінекалогіі, лабараторнай дыягностыцы, загадчыкаў ФАПаў і лабарантаў з кваліфікацыяй фельчараў ці медыцынскіх сясцёр (у Старасельскі і Слабадскі ФАПы, Вялікадолецкую і Глыбачэнскую БСД), інструктараў па лячэбнай фізкультуры (у фізіятэрапеўтычнае аддзяленне і яслі-сад №3 г.п.Ушачы), а таксама медыцынскіх сясцёр (у фізіятэрапеўтычнае аддзяленне, неўралагічны кабінет паліклінікі, яслі-сад №1 і №3 г.п. Ушачы). ПМК-66 чакае вадзіцеля пагрузчыка, машыніста бульдозера і машыніста экскаватара; ДРБУ-105 – машыніста аўтагрэйдара; ПУП “Энертранс” – сталяра і вадзіцеля аўтамабіля; ААТ “Форэстгандаль” – зборшчыка вырабаў з драўніны, “Прамкамбінат” – швачку.
Заработная плата па ўзгаданых спецыяльнасцях вагаецца ад 305 да 700 рублёў. Атрымаць больш падрабязную інфармацыю можна па нумарах 2-78-57, 5-73-51 і на афіцыйным сайце Ушацкага райвыканкама ў раздзеле “Даведачная інфармацыя”.
Кацярына КАВАЛЕЎСКАЯ.
