“Ух ты, ну і муляж!” – гавораць усе, хто заходзіць у рэдакцыю і бачыць гіганцкі экспанат эксібішан. І не вераць, што гэта сапраўдная цыбуля, што вырасла са звычайнай чорнай драбінкі насення. Нам жа яе прынеслі адразу два нашых чытачы. Цыбуліна Н.Л.Корань (на здымку) заважыла 1200 грамаў, таксама як і ў С.А.Белагрыўцава.
– Высаджваю насенне ў першыя дні сакавіка. І галоўнае, каб расада не выцягнулася ў нітку, – гаворыць Наталля Леанідаўна Корань, якая любіць разрадку на зямлі. – Для гэтага даводзіцца пагуляць, перастаўляць з аднаго акенца на другое, выносіць на балкон для загартоўкі. А праз месяц пераставіла скрыню ў полікарбанатную цяпліцу і накрыла плёнкай у шэсць слаёў. Расада адчувала там сябе цудоўна і да высадкі мела такое пяро, што мы рабілі салату. Дарэчы, перад пасадкай яго абавязкова трэба пастрыгчы, пакінуўшы сантыметры тры. Хоць у маі яшчэ было холадна, загартаванай цыбульцы гэта было не страшна. Паколькі прадбачыла добры ўраджай – пакінула вялікае міжрадкоўе, палівала і абавязкова рыхліла, каб даць караням кісларод. Ніякай падкормкі не раблю наогул, хіба што аксідатам торфу, аднак высаджваю ў цудоўны перагной, які атрымліваю з гною ад трусоў і раслінных рэшткаў, што за лета пераправае ў кампоставай кучы. Вось і ўсе сакрэты. Вырастае цыбуля добрай заўсёды, ну а сёлета асабліва. Акрамя таго, што яна буйная, яшчэ і сакавітая, салодкая, без горычы, што ўласціва звычайнай цыбулі. Насмажым адну такую – і цудоўны гарнір на ўсю сям’ю. І ў салату з сырой агароднінай добра падыходзіць. Зразумела, каб атрымаць такі багаты ўраджай, трэба папрацаваць. Аднак задавальненне ад такога ўраджаю варта клопату пра яго. Абавязкова паспрабуйце.
Вольга КАРАЛЕНКА.
