Оформить подписку на «Патрыёт» теперь можно и в редакции газеты

Так ажыўлена на вузле паштовай сувязі – штодзённа. Тут самыя нізкія нацэнкі на паслугі, таму і стаяць чэргі кліентаў – каб аплаціць камунальныя, выпісаць газету, зрабіць перавод ці атрымаць пенсію. Антураж, трэба дадаць, ужо навагодні – паўсюды гірлянды, ёлкі і навагоднія паштоўкі – які аднак не значна падымае настрой, калі ты бачыш, што рухаецца чарга марудна і ніхто з тых пяці чалавек, што перад табой, не імкнецца памяняць жывога касіра на інфакіёск, які ўстаноўлены тут жа, у зале і прымае як пластыкавую картку, так і наяўныя. Да таго ж, сувязісты перайшлі нядаўна на новую праграму, якая, як і ўсё новае, прыжываецца з цяжкасцю.

Таму, калі вы стаіце, каб аплаціць паслугі, то ўсё ж раіла б вам асвоіць паштовы тэрмінал, тым больш што спецыялісты паштовага аддзела, а то і сам начальнік Г.І.Свідзінская, на месцы абучаюць, як гэта зрабіць. А вось калі вы жадаеце аформіць падпіску, то хацелася б падказаць некалькі альтэрнатыўных варыянтаў.

Па­-першае, аформіць яе можна ў любога паштальёна, які разносіць вам пошту. Можна выклікаць яго ў арганізацыю ў дзень авансу ці зарплаты, тым самым вы спросціце сабе задачу і дапаможаце паштавіку. Па-­другое, можна і ў аддзяленні паштовай сувязі, але для гэтага не абавязкова стаяць у чарзе. Калі вы прыйшлі ў аддзяленне раніцай, часоў да 10, то можна папрасіць паклікаць да вас у аддзяленне паштальёна (на гэты час яны яшчэ ў аддзеле сарціроўкі) і вам аформіць падпіску любы работнік, незалежна ад таго, вашу зону ён абслугоўвае, або іншую.

Па­-трэцяе, зусім без чэрг вы можаце аформіць падпіску ў нас у рэдакцыі газеты “Патрыёт”, прычым не толькі на нашу газету, а на ўсе, што выпісваеце.

Па­-чацвёртае, раім вам дома запоўніць купон, з якім потым прыйсці ў аддзяленне ці ў рэдакцыю. Кошт падпіскі на снежань – 3 рублі, 80 капеек; на першае паўгоддзе 2017 года – на месяц для індывідуальных падпісчыкаў – 4 рублі.

Хочам нагадаць нашым чытачам, што ў любым выпадку не трэба чакаць да апошняга дня. У выйгрышы той, хто выпісвае перыёдыку не памесячна, а на квартал ці адразу на паўгода. Для такіх падпісчыкаў “Патрыёта” па­ранейшаму захоўваюцца скідкі на рэкламу – на 20 працэнтаў на адну аб’яву ці віншаванне ў месяц, калі газеты выпісана на квартал, і на 50 працэнтаў, калі на паўгода. Такім чынам вы эканоміце і час, і грошы.

Многія верныя чытачы газеты на зіму перабіраюцца да дзяцей у гарады і губляюць інфармацыйную сувязь з раёнам. А дарэмна, тым больш што “Патрыёт” можна выпісаць у аддзяленні сувязі любога населенага пункта краіны і ён знойдзе вас у Мінску, Віцебску, Слуцку ці Наваполацку – назвала далёка не ўсе гарады, куды прыходзіць наша газета.  Дарэчы, індэкс на “Патрыёт”, калі ён паступае за межы раёна, іншы: 66981.

Паступаюць да нас раз-­пораз і скаргі аб несвоечасовай дастаўцы газет ці на тое, што яе паклалі не туды, куды трэба. Нагадаем яшчэ раз, што газета пакуль ніколі за сваё існаванне не парушыла графік выхаду, таму калі па нейкіх прычынах вы не атрымалі яе своечасова, то сапраўды лепш патэлефанаваць. Разам з нашымі памочнікамі­-паштавікамі мы высветлім прычыну і выправім сітуацыю.

Хочацца паведаміць нашым чытачам, што вырашаць, дзе атрымліваць перыёдыку – у паштовай скрыні ля дома, ці ў агульнай, умоўна кажучы, пасярэдзіне вёскі – ваша права. Трэба паведаміць пра гэта паштальёну ці ў аддзел сувязі. Не саромейцеся паведамляць пра ўсе нязручнаці, звязаныя з выхадам газеты, як у аддзел паштовай сувязі 2­73­50, так і ў рэдакцыю 2­73­39. У нас агульная мэта, каб наша газета знайшла вас!

Вольга КАРАЛЕНКА.