Убачыўшы на градцы бабулі Аліны Міронаўны Рэкуц такую разросшуюся моркву, Коля Качан і не падумаў яе з’есці. Наадварот, захацеў пакінуць на памяць, зрабіўшы з яе сувенір. Усёй сям’ёй майстравалі яны моркве прычоску і назвалі работу “Разам восенню цяплей”. Яна будзе ўдзельнічаць у конкурсе работ выхаванцаў дзіцячага сада №1 гарпасёлка, які наведвае Коля і дзе працуе яго маці Кацярына Фёдараўна.
Мы ж нагадваем нашым чытачам, што конкурс “Дзіва на градцы” працягваецца і мы чакаем іншых фотаздымкаў вырашчаных на ўчастках вялікіх ці цікавых экспанатаў.
