Уладальнікі дач і ўчасткаў у Праніках ужо добра ведаюць і сябруюць з… сям’ёй лебедзяў, якія пасяліліся на мясцовым возеры. Пару лебедзяў і іх шэсць маленькіх дзетак людзі пастаянна падкормлівалі з берага вадаёма. Птушкі настолькі прывыклі і прыручыліся, што зусім перасталі баяцца чалавека. Яны часам перашкаджаюць рыбакам лавіць рыбу, любяць паплаваць з дзецьмі ў возеры і нават выгнаць іх з вады. А нядаўна лебядзіная сям’я наогул стала спакойна прагульвацца па вуліцах населенага пункта і заходзіць у госці да дачнікаў. Па ўсім бачна, што ім тут вельмі падабаецца.
