7 мая Ушачи принимали участников автопробега в честь 69-летия Победы советского народа в Великой Отечественной войне.

7 мая Ушачы прымалі ўдзельнікаў аўтапрабегу ў гонар 69-годдзя Перамогі савецкага народа ў Вялікай Айчыннай вайне. Арганізатарам мерапрыемства выступіў Віцебскі абласны савет ДТСААФ, які ўзначальвае наш зямляк В.В.Корабаў, а ўдзел ў ім прынялі звыш 800 чалавек. Калона гасцей расцягнулася больш чым на кіламетр – наведаць сталіцу партызанскага краю прыехалі госці з Віцебска, Наваполацка, Полацка, Лепельскага, Чашніцкага, Пастаўскага, Глыбоцкага раёнаў. да якіх актыўна далучыліся і жыхары райцэнтра. Пасля ўрачыстага адкрыцця, якое адбылося на цэнтральнай плошчы гарпасёлка з удзелам духавых аркестраў вайсковай часці з Заслонава і юных навучэнцаў лепельскай дзіцячай школы мастацтваў, ўдзельнікі аўтапрабегу накіраваліся на мемарыяльны комплекс “Прарыў”, дзе праходзілі асноўныя мерапрыемствы. Урачысты мітынг, дапоўнены яскравымі выступленнямі юных артыстаў, надоўга запомніцца гасцям раёна. якія ўсклалі кветкі і вянкі да пліт з імёнамі загінуўшых вызваліцеляў. Удзельнікі аўтапрабегу змаглі пачаставацца салдацкай кашай, гарачай гарбатай і марожаным, якое прадставіў Лепельскі малочна-кансервавы камбінат.