1 кастрычніка ў нашай краіне традыцыйна адзначаецца Дзень пажылых людзей. На сённяшні час у Беларусі гэту дату сустрэне больш 2,5 мільёна чалавек — пенсійнага ўзросту дасягнула 27 працэнтаў насельніцтва. Ва Ушацкім раёне гэты паказчык яшчэ большы, у нас пражывае 5360 пенсіянераў (больш трэцяй часткі насельніцтва), з якіх, безумоўна, гонарам і сумленнем з’яўляюцца 64 ветэраны Вялікай Айчыннай вайны, 3860 ветэранаў працы.
Прэзідэнт краіны назваў пенсіянераў “самай актыўнай часткай грамадства і апорай дзяржавы”, таму і клопат аб старэйшым пакаленні з’яўляецца прыярытэтам палітыкі нашай краіны.
Старэйшыя пакаленні адстаялі незалежнасць нашай Радзімы, аднаўлялі народную гаспадарку ў пасляваенныя гады і зараз актыўныя ўдзельнікі ўсіх грамадска-палітычных мерапрыемстваў, праводзімых органамі ўлады, займаюцца выхаваннем моладзі ў духу патрыятызму і любові да сваёй краіны.
Шмат людзей, якія дасягнулі пенсійнага ўзросту, працягваюць працаваць, ўносячы свой уклад у развіццё эканомікі і грамадства.
Наша дзяржава шмат робіць для якаснага паляпшэння жыцця людзей пенсійнага ўзросту, але многае залежыць і ад нас, ад нашай ініцыятывы, жадання жыць лепш і цікавей.
Ушацкая раённая арганізацыя Беларускага грамадскага аб’яднання ветэранаў за мінулы год стварыла тры новыя пярвічныя арганізацыі – з ліку пенсіянераў райвыканкама, раённага вузла паштовай сувязі, аддзела культуры. Пярвічныя арганізацыі ветэранаў актыўна дзейнічаюць, іх старшыні з’яўляюцца надзейнымі памочнікамі прэзідыума раённага савета ў ажыццяўленні ветэранскіх спраў. Сярод лепшых кіраўнікоў тэрытарыяльных “пярвічак” хочацца адзначыць старшынь Касарской пярвічнай арганізацыі Ільюшэвіч Лідзію Гаўрылаўну, Дубраўскай – Кучко Алену Захараўну, Глыбачскай — Кулагу Івана Сямёнавіча, Жарскай – Макрыдзіну Тамару Іванаўну, Старасельскай – Марковіч Галіну Іванаўну, Ільюшынскай – Аўтух Таццяну Віктараўну. Сярод “пярвічак” устаноў і прадпрыемстваў гарпасёлка выдзяляюцца актыўнасцю ветэранскія арганізацыі льнозавода (старшыня – Жогаль Зінаіда Еўдакімаўна), лясгаса (Фамін Васіль Сямёнавіч), райспажыўтаварыства (Лукашонак Вялянціна Мікалаеўна), райбальніцы (Шарыпенка Людміла Міхайлаўна).
У.МАЛАТКАВЕЦ, старшыня Ушацкага раённага савета ветэранаў.
