Участкі камунгаса створаны не толькі ва ўсіх аграгарадках. Аднак па-ранейшаму кіраўніцтва УП ЖКГ сярод лепшых называе першы – арэхаўскі. 
– Там адна з самых вялікіх зон абслугоўвання – больш сотні кватэр, падключана да ацяплення і 28 прыватных дамоў, а таксама ўся сацыяльная сфера аграгарадка, – гаворыць дырэктар прадпрыемства Мікалай Прохаравіч Несцярэнка. – І самае галоўнае, менавіта ў іх самы лепшы парадак на ўчастку. Абслугоўваюць энергазберагаючае абсталяванне ў кацельнай, самастойна выконваюць літаральна ўсе работы па рамонце і абслугоўванні жылфонду, добраўпарадкаванні.
Яшчэ адна з адметнасцяў гэтага калектыву пад кіраўніцтвам В.М.Шыркевіча – творчы падыход. Яны не будуць скардзіцца, што нечага не хапае, а ўключаць фантазію і “металалом” заставяць круціцца, ці памяняюць профіль тэхнікі на патрэбны. І як вынік – падзякі аднавяскоўцаў за цяпло ў кватэрах, лёгкую пару лазні. Не падумайце, што ніколі не скардзяцца жыхары Арэхаўна. Здараецца, але ўсё вырашаецца. Таму і грамата міністэрства брыгадзіру – гэта заслуга ўсяго іх калектыву.
В.КАРАЛЕНКА.
На здымку:
брыгада В.Шыркевіча.
