Где найти телефонный справочник г.п.Ушачи?

Чаму зараз нельга знайсці ў продажы тэлефонны даведнік абанентаў г.п.Ушачы і раёна? Ці плануецца яго перавыданне ў бліжэйшы час?
Л.Рубанік, г.п.Ушачы.
За адказам мы звярнуліся да начальніка раённага вузла электрычнай сувязі А.А.РАДЗЮША.
– Адразу неабходна сказаць, што выданне як мага больш поўнага даведніка выгаднае не толькі для карыстальнікаў тэлефоннай сеткі, але і для нас: чым больш людзі карыстаюцца сувяззю, якую мы прадстаўляем, тым большы ў нас даход. Ажыятажу з набыццём даведнікаў, выпушчаных у 2007 годзе, не было. Тэлефонныя кнігі да 2010 года былі ў продажы, а тое, што іх разабралі праз тры гады пасля выдання – з’ява натуральная.
Ёсць рэкамендацыі аб выданні кожнага новага тэлефоннага даведніка адзін раз у 7 гадоў. Не адмаўляем той факт, што з 2007 года інфармацыйны змест тэлефоннай кнігі састарэў. За гэты час на Ушаччыне дабавілася шмат новых нумароў, зараз праводзіцца пераключэнне абанентаў некаторых АТС на новае абсталяванне – таксама з заменай нумароў, плануецца далейшае перааснашчэнне АТС. А таму выданне поўнага, дакладнага даведніка пакуль немагчыма. Не выключана, што ў будучым звернемся да “Белтэлекама” – уладальніка тэлефоннай базы – з прапановай выпусціць новую тэлефонную кнігу. Аднак гэта будзе не раней чым праз два гады. Пакуль жа давядзецца задаволіцца тым, што маем.
Грамадзянам, у якіх няма тэлефоннай кнігі, для таго, каб звязацца з неабходным абанентам, можна патэлефанаваць на нумар “109”. Кошт паслугі даведачнай службы складае ў дзённы час 260 рублёў, у начны (з 22 да 6 гадзін) – 510.