Внимание! В Ушачском районе введён запрет на посещение лесов

З пачатку года ў краіне адбылося ўжо больш 200 лясных пажараў. У сувязі з пажаранебяспечным становішчам, якое зараз адпавядае чацвёртаму класу – перадапошняму да крытычнага ўзроўню, у раёне з 26 красавіка аб’яўлена забарона на наведванне лясоў і тарфянікаў. Грамадзянам забараняецца знаходзіцца ў лясах і прылягаючых да іх тэрыторыях (за выключэннем асоб, якія займаюцца вядзеннем лясной гаспадаркі). За парушэнне патрабаванняў пажарнай бяспекі ў лясах або на тарфяніках ці забароны на іх наведванне, якое не пацягнула нанясення ўрону, прадугледжана папярэджанне або штраф да 25 базавых велічынь.