На сустрэчу з “песняром”
У рамках мерапрыемстваў правядзення Года малой радзімы на Ушаччыне вакаліст легендарнага ансамбля “Песняры” Валерый Скаражонак дасць для жыхароў і гасцей нашага раёна дабрачынны канцэрт. Выступленне будзе ладзіцца ў суботу, 11 жніўня, у аграгарадку Вялікія Дольцы ў парку ля будынка сельвыканкама. Пачатак – у 12 гадзін. Запрашаюцца ўсе жадаючыя.
Трэба сказаць, што на Ушаччыне спявак выступае не ўпершыню і заўсёды робіць гэта з задавальненнем, бо яго маці родам з Царкавішча, а бацька – з суседняга Замошша.
